Nordic Kitchen hnífarnir frá Eva Solo byggja á 2000 ára gamalli japanskri hnífahefð.
Hnífarnir eru gerðir af færum hnífagerðarmönnum sem hafa lagt 66 lög af damaskusstáli utan um grunnlagið og útkoman er þessi vandaði og fallegi 67 laga hnífur. Þessi aðferð, að bæta lögum af stáli utan á hvort annað, er talin eiga uppruna sinn við gerð Samurai sverða áður fyrr. Útkoman er beittara og harðara hnífsblað - hnífur með framúrskarandi jafnvægi í höndinni.

Handfangið er gert úr Pakkawood við, sem er sambland af við og plastefni sem gefur framúrskarandi endingu og grip.

Þessi hnífur er minnsti hnífurinn í seríunni. Hann er með 9cm löngu blaði og hentar vel í að skera niður minnstu hlutina í matseldinni og ýmislegt smálegt þar sem erfiðara er að beita kokkahnífnum.