Þetta borðstofuborð kemur frá danska framleiðandanum Skovby. Óstækkað, er borðið hugsað fyrir 6-8 einstaklinga, en með því koma tvær stækkunarplötur sem geymast undir borðplötunni. Stækkunin á þessu borði er svolítið óvenjuleg, en plöturnar brotna saman undir borðið svo hægt sé að stækka það með einföldum og áreynslulausum hætti. Borðið sjálft er 100x183cm og 74cm á hæð. Hvorr stækkunarplata er 46cm og með hverri plötu má koma fyrir tveimur einstaklingum í viðbót við borðið. Alls eru tvær stækkunarplötur undir borðplötunni og komast þá 12 manns við borðið og verður það þá 275cm að lengd. Þetta tiltekna borð er með undirstelli úr lakkaðri eik, en borðplatan er plasthúðuð með hvítri húðun. Þessi meðhöndlun gefur gríðarlega slitsterkt yfirborð sem auðvelt er að þrífa. Hægt er að fá fleiri litasamsetningar milli undirstells og borðplötu og þá er einnig hægt að fá ákveðnar gerðir með svartri lamineringu. Leitið upplýsinga hjá sölufólki okkar.